На свяце прысутнічалі дэпутат Палаты прадстаўнікоў Нацыянальнага сходу Рэспублікі Беларусь Людміла Канановіч, старшыня раённага Савета дэпутатаў Андрэй Паўкшта, намеснік старшыні райвыканкама Алеся Лукоўская, начальнік аддзела ідэалагічнай работы, культуры і па справах моладзі райвыканкама Соф’я Філістовіч.

Юрый Горлаў павіншаваў хлопчыкаў і дзяўчынак з самым чароўным святам. Ён пажадаў маленькім жыхарам раёна здзяйснення запаветных мар, цёплых усмешак, святочнага настрою. А яшчэ каб кожны дзень у новым годзе быў адметным, а добрыя справы яны прысвячалі сваёй малой радзіме.

Дзяцей і дарослых развесяліла, натхніла тэатралізаванае прадстаўленне «Тайна чароўнага гадзінніка». Адважныя героі адправіліся ў Краіну часу, каб завесці чароўны гадзіннік і наблізіць надыход Новага года.
Свята атрымалася цікавым і захапляльным, а яшчэ сучасным. Непаўторныя эмоцыі ў дзятвы выклікалі лазернае шоу, маштабныя, маляўнічыя дэкарацыі. Уразілі выдатныя акцёрскія здольнасці самадзейных артыстаў, харэаграфія, шыкоўныя касцюмы.

На пляцоўках Палаца было шумна і весела. Дзеці абаранялі карнавальныя касцюмы, удзельнічалі ў займальнай інтэрактыўнай праграме з вясёлымі гульнямі, карагодамі, конкурсамі. Хлопчыкі і дзяўчынкі ператвараліся ў любімых мульцяшных герояў, казачных персанажаў пры дапамозе аквагрыма, спявалі ў караоке «Чароўныя ноткі».

Моноблок поможет в учебе

Премьер-министр Сергей Румас поздравил с Новым годом воспитанников Радошковичской школы-интерната для детей-сирот и детей, оставшихся без попечения родителей. Высокий гость вручил детям сертификат на моноблок, который, по его словам, поможет в учебе, а также набор спортивных мячей и сладкие подарки.

— В нашей стране делается все, чтобы детям жилось хорошо, — отметил он в поздравительном слове. — В этом году государство ввело в строй 3 новые школы, 14 детских садов, отремонтировало много учебных заведений.

После новогоднего представления, организованного воспитанниками, Сергей Румас посетил два музея, созданных в школе, ознакомился с учебной и спортивной базой. В учреждении сегодня воспитывается 118 ребят, многие занимаются музыкой и спортом. И дети к визитам высоких гостей уже привыкли. Школу дважды в год посещают министр внутренних дел Игорь Шуневич, представители Белорусской федерации футбола, а несколько лет назад приезжал глава государства Александр Лукашенко.

Верныя сябры

У цэнтры карэкцыйна-развіццёвага навучання і рэабілітацыі вернымі сябрамі лічаць шэфскія арганізацыі, з якімі супрацоўніцтва доўжыцца не першы год.

Гэта Вярхоўны Суд Рэспублікі Беларусь, Акадэмія кіравання пры Прэзідэнце Рэспублікі Беларусь, філіял №601 ААТ «ААБ Беларусбанк» (г. Маладзечна), ААТ «БЕЛПАМПС», раённыя арганізацыі Беларускага Таварыства Чырвонага Крыжа і РГА «Белая Русь», «пярвічка» БРСМ чыгуначнага вузла станцыі Маладзечна. Іх прадстаўнікі завіталі ў госці да выхаванцаў цэнтра ў рамках рэспубліканскай дабрачыннай акцыі «Нашы дзеці». Але бываюць яны тут не толькі ў святы.

Да навагодніх віншаванняў калектыву ўстановы, хлопчыкаў і дзяўчынак, іх бацькоў далучыліся дэпутат Палаты прадстаўнікоў Нацыянальнага сходу Рэспублікі Беларусь па Маладзечанскай гарадской выбарчай акрузе №72 Людміла Канановіч і намеснік старшыні райвыканкама Алеся Лукоўская. Віталій Баранскі таксама прыйшоў з дабрачыннай місіяй не толькі як кіраўнік ААТ «БЕЛПАМПС», але і як дэпутат Маладзечанскага раённага Савета дэпутатаў 28-га склікання.

Даўняя дружба з цэнтрам у парламентарыя Людмілы Канановіч. На працягу многіх гадоў разам з дэпутатамі раённага Савета дэпутатаў і грамадскімі арганізацыямі яна садзейнічае ўмацаванню матэрыяльнай базы ўстановы. Звяртаючыся да выхаванцаў і іх бацькоў, Людміла Мікалаеўна зазначыла, што акцыя «Нашы дзеці» праводзіцца ў краіне ўжо на працягу больш чым 20 гадоў. Гэта яшчэ раз гаворыць аб клопаце пра падрастаючае пакаленне, сем’і. А дарослыя павінны падарыць усім дзецям краіны радасць, цеплыню сваіх сэрцаў, стварыць казку і цуд.

Усе сябры цэнтра, канечне, не забыліся пра падарункі да навагодніх свят. Дзякуючы іх фінансавай падтрымцы тут заменяць уваходныя дзверы, некалькі вокнаў, набудуць мэблю ў раздзявалкі і гульнявыя пакоі, мадэрнізуюць асвятленне ў спартыўнай зале… Таксама дзеці атрымалі салодкія пачастункі.

Са словамі прызнання і ўдзячнасці да прысутных звярнулася дырэктар установы Анжаліка Шапяленка. А выхаванцы падрыхтавалі шаноўным гасцям творчыя падарункі – вершы, песенькі, танцы, якія ім было вельмі не проста вывучыць. Усе разам з Дзедам Марозам і Снягурачкай вадзілі карагоды ля ёлкі.

— Кожны мае права на сваё свята, — заўважыў першы намеснік старшыні Вярхоўнага Суда Рэспублікі Беларусь Валерый Калінковіч. – Наша структура стараецца дапамагаць дзецям, дарыць ім радасць. Хлопчыкаў і дзяўчынак з праблемамі здароўя хочацца атуліць асаблівым клопатам.

Дарэчы, цэнтр карэкцыйна-развіццёвага навучання і рэабілітацыі супрацоўнічае з Вярхоўным Судом 15 гадоў. Мацнее дружба і з Акадэміяй кіравання пры Прэзідэнце Рэспублікі Беларусь.

— У нас нямала студэнтаў, якія займаюцца валанцёрствам і прыязджаюць у цэнтр, каб упрыгожыць жыццё выхаванцаў. У хуткім часе мы зноў сюды завітаем! Да сустрэчы ўжо рыхтуюцца педагогі і моладзь. Гэта аднолькава важна для выхаванцаў цэнтра і нашых юнакоў і дзяўчат, якія вучацца быць неабыякавымі, — зазначыў рэктар Акадэміі кіравання пры Прэзідэнце Рэспублікі Беларусь Генадзій Пальчык.

У цэнтры ўвагі былі і бацькі юных удзельнікаў навагодняга свята. Напэўна, самае галоўнае ў іх адрас пажаданне надзеі, без якой немагчыма жыць.

Здароўе – найлепшы падарунак

Старшыня раённага выканаўчага камітэта Юрый Горлаў павіншаваў з Новым годам юных пацыентаў дзіцячай бальніцы, уручыў ім падарункі. Дабрачыннае прадстаўленне «Навагодні маршрут» тут наладзілі супрацоўнікі цэнтралізаванай клубнай сістэмы раёна.   

Нават у доўгачаканыя любімыя святы ніхто з нас не застрахаваны ад хвароб, траўм, іншых непрыемнасцей. За тры дні да Новага года ў дзіцячай бальніцы на лячэнні знаходзіліся 85 хлопчыкаў і дзяўчынак. Канешне, кожны з іх марыў пра Новы год з падарункамі і цукеркамі, а не з уколамі і таблеткамі. І ўсё ж у гэты дзень на тварах многіх дзяцей засвяціліся ўсмешкі і яны хаця б ненадоўга забыліся пра свае хваробы. Нечаканым і надзвычай прыемным сюрпрызам для іх стаў ранішнік ля ёлкі, што ўстаноўлена ў адным з самых вялікіх пакояў бальніцы. Уся ўстанова ўпрыгожана шарыкамі, сняжынкамі, мішурой – атмасфера свята адчуваецца літаральна з першых крокаў.

Сем гадоў таму, у 2011-м, бальніца адкрылася пасля глабальнай рэканструкцыі, можна сказаць, атрымала другое нараджэнне. Тут камфортныя і светлыя палаты, абсталяваныя сучаснай тэхнікай аддзяленні.

Загадчык дзіцячай бальніцы Сяргей Рылоў расказвае, што кожны год па меры неабходнасці ў бальніцы нешта абнаўляецца, набываецца новае абсталяванне. Напрыклад, летась у аддзяленні рэанімацыі і анестэзіі ўстанавілі новы апарат для штучнай вентыляцыі лёгкіх.    

Галоўны ўрач цэнтральнай раённай бальніцы Дар’я Калядзіч падкрэсліла, што тут працуюць высокакваліфікаваныя спецыялісты, якія дапамагаюць спраўляцца з хваробамі дзецям як з нашага раёна, так і з суседніх Валожынскага, Вілейскага, Мядзельскага. На базе бальніцы працуе рэанімацыйная брыгада, якая аператыўна выязджае на дапамогу.

Перш чым свята закружыла дзяцей у карагодзе, іх павіншаваў старшыня райвыканкама Юрый Горлаў. Галоўнае пажаданне Юрыя Мікалаевіча – больш ніколі не хварэць, не трапляць у бальніцу. Ён выказаў упэўненасць, што ўрачы зробяць усё для таго, каб кожнае дзіця выздаравела як мага хутчэй, пажадаў хлопчыкам і дзяўчынкам здзяйснення жаданняў.

Выдатны падарунак ад райвыканкама атрымала і бальніца – вялікі тэлевізар, каб юныя пацыенты маглі глядзець любімыя мультфільмы.

Паверыць у цуды

У рамках рэспубліканскай дабрачыннай акцыі «Нашы дзеці» ў дашкольную ўстанову №32 завіталі намеснік старшыні райвыканкама Алеся Лукоўская, начальнік упраўлення па адукацыі Іна Драпеза, старшыня раённай арганізацыі «Беларускі дзіцячы фонд» Жанна Карповіч.

Амаль палова з дзвюх соцень выхаванцаў гэтай установы маюць праблемы са зрокам. Таму госці найперш жадалі дзецям здароўя, а калектыву сада – плёну і натхнення ў рабоце. Госці адрасавалі цёплыя словы віншаванняў і ўручылі дашкольнікам салодкія падарункі.

— Звычайна навагоднія святы мы ладзім сваімі сіламі, вельмі дапамагаюць і бацькі выхаванцаў. Прыемна і нечакана было вітаць гасцей – для нас гэта радасны сюрпрыз, — шчыра заўважыла загадчыца ясляў-сада №32 Іна Крупская.

У казачных навагодніх персанажаў ператварыліся работнікі ўстановы. Яны падрыхтавалі хлопчыкам і дзяўчынкам цікавыя загадкі, забавы, разам вадзілі карагоды. А Дзедам Марозам быў прафесійны акцёр Валерый Бабкін з Мінскага абласнога драматычнага тэатра. Ён заўважыў, што не іграе гэту ролю, а жыве ёю – толькі тады малышы змогуць паверыць у цуды.

Дашкольная ўстанова №32 не адзіная, у якой пабывалі прадстаўнікі мясцовай улады, упраўлення па адукацыі райвыканкама і раённай арганізацыі «Беларускі дзіцячы фонд» у рамках акцыі «Нашы дзеці». У тым ліку яны наведалі дом сямейнага тыпу ў вёсцы Насілава. І добрыя справы працягваюцца…

Следователи привезли подарки

Управление Следственного комитета по Минской области на протяжении шести лет шефствует над воспитанниками школы-интерната №2 для детей с нарушениями зрения г. Молодечно.

По доброй традиции в канун новогодних и рождественских праздников следователи привезли детям сладкие подарки, а школе передали мягкую мебель. Заместитель начальника УСК по Минской области Александр Земницкий пожелал ребятам здоровья, радости, исполнения заветных желаний и чудес.

Самой большой благодарностью для гостей стало волшебное путешествие в новогоднее представление, подготовленное учащимися и педагогами учреждения.

Далучылася пракуратура

Да рэспубліканскай дабрачыннай акцыі «Нашы дзеці» далучылася мясцовая пракуратура. Для калектыву гэтай структуры яна стала ўжо добрай традыцыяй найперш дзякуючы Уладзіміру Дубоўскаму, пракурору Маладзечанскага раёна. У Дзеда Мароза ператварыўся яго памочнік Сяргей Габруковіч, а ў Снягурачку – старшы інспектар Юлія Жук.

З салодкімі падарункамі і цацкамі яны накіраваліся ў сям’ю маладзечанца Вадзіма Тычко. Ён адзін выхоўвае траіх дзяцей – 6-гадовага Мікіту, 5-гадовую Кацю і 3-гадовага Андрэя. Тата працуе грузчыкам на адным з прадпрыемстваў горада, а дзеці наведваюць дашкольную ўстанову №11. Яны былі вельмі рады гасцям, з задавальненнем расказвалі вершы Дзеду Марозу і Снягурачцы, вадзілі з імі карагоды ля ёлкі.

Трэба заўважыць, што пракуратура плённа супрацоўнічае з упраўленнем па адукацыі, спорце і турызме райвыканкама. Разам яны праводзяць дабрачынныя і асветніцкія мерапрыемствы. І заўсёды гатовы працягнуць руку дапамогі. «Адрастаў» для віншаванняў у рамках акцыі «Нашы дзеці» таксама падказалі педагогі.

Еще в рамках акции "Наши дети":

Подарки вручили волонтеры "Красного креста".