27.08.2021 9:59

Жніво на Маладзечаншчыне завершана

Гаспадаркі раёна завяршылі ўборку збожжавых і зернебабовых. Пры гэтым палявыя работы працягваюцца.

Лепшымі па ўраджайнасці сталі гарадзілаўцы. Па папярэдніх дадзеных ураджайнасць у ААТ «Гарадзілава» склала 86,7 цэнтнераў збожжа з гектара, у аграфірмы «Лебедзева» — 52,3, на Маладзечанскай сортавыпрабавальнай станцыі – 48,6, ААТ «Селеўцы» — 47,4, ААТ «Палачаны» — 45,6, СУП «Яхімоўшчына-Агра» — 44 цэнтнера з гектара.

У тройцы лідэраў па намалоце ААТ «Гарадзілава», ААТ «Палачаны» і аграфірма «Лебедзева».

У раёне перавыкананы план па рэалізацыі збожжа ў лік дзяржзаказу.

Сакрэты поспеху«Гарадзілава»

«Тысячнікі» на жніве — адметная рыса ААТ «Гарадзілава». Прычым тысячы тон збожжа ёсць на рахунку як камбайнавых экіпажаў, так і тых, хто перавозіць каштоўны груз з палёў на зернесушыльныя комплексы. Сакрэтамі поспеху падзяліўся дырэктар гаспадаркі Дзмітрый Грамовіч.

— З кожным годам гаспадарка прыбаўляе ва ўраджаі, — гаворыць кіраўнік. – Эфектыўна працуюць агранамічная, інжынерная службы. Аснова высокіх дасягненняў – зладжаны калектыў. Стаўка робіцца менавіта на чалавека. У выніку ўсе работнікі працуюць з поўнай аддачай.

Субяседнік паведаміў, што сёлета на жніве было задзейнічана шэсць камбайнавых экіпажаў. Адначасова з уборачнай выконвалася іншая работа. Закладваліся асновы будучага ўраджаю.

— Стаўка на рапс цалкам апраўданая, — падкрэсліў Дзмітрый Грамовіч. – Вырошчванне гэтай сельскагаспадарчай культуры рэнтабельнае. Як вынік, умацоўваецца матэрыяльная база гаспадаркі, людзі атрымліваюць добрую зарплату.

Алег БЯГАНСКІ.
Фота: Аляксей ПЛАТКО.

Прочитано 345 раз Последнее изменение 27.08.2021 9:59
Алег Бяганскі

Этот адрес электронной почты защищён от спам-ботов. У вас должен быть включен JavaScript для просмотра.