23.01.2018 11:12

Пікет «Моладзь вырашае» у Маладзечне правёў БРСМ

У Маладзечне стартавала акцыя Беларускага рэспубліканскага саюза моладзі «#Моладзь вырашае!». Першы пікет у яе рамках прайшоў на вуліцы Прытыцкага.

Пікет «Моладзь вырашае» у Маладзечне правёў БРСМ "Маладзечанская газета"

Актывісты БРСМ, навучэнцы політэхнічнага каледжа Кацярына Паршута, Максім Кеўліч, Уладзіслаў Зянько і Юльяна Валынец заклікалі прахожых прыйсці на выбары і раздавалі інфармацыйныя матэрыялы.

Кожны выбаршчык мог пакінуць свае пажаданні будучым дэпутатам мясцовых Саветаў. Адпаведныя прапановы збіраліся ў спецыяльную скрыню.

— Запрашаем прыняць у галасаванні ўсіх жыхароў Маладзечаншчыны і асабліва моладзь, — гаворыць Максім Кеўліч. – Юнакі і дзяўчаты павінны праявіць актыўнасць і вызначыць кірунак развіцця раёна і вобласці. Акрамя таго, удзел у выбарах — добрая школа кіравання дзяржавай для маладых лю-
дзей. Магчыма, хто-небудзь з іх у будучыні таксама вырашыць стаць дэпутатам.   

Згодная з актывістам Маргарыта Літвіновіч. З дачушкай Віялетай і пляменніцай Дамінікай яна праходзіла міма і далучылася да акцыі.

— Абавязкова прыйдзем на выбары ўсёй сям’ёй. Мы любім свой горад і жадаем, каб ён станавіўся лепшым, — адзначылі яшчэ адны ўдзельнікі акцыі Іван і Алена Літвінковічы.
Выконваючая абавязкі першага сакратара райкама БРСМ Марта Несцяровіч падкрэсліла, што мэта мерапрыемства – агітацыя, дадатковае інфармаванне грамадзян аб тым, што выбары дэпутатаў мясцовых Саветаў дэпутатаў Рэспублікі Беларусь 28-га склікання адбудуцца 18 лютага. А яшчэ гэта зваротная сувязь з выбаршчыкамі, магчымасць для іх акрэсліць пэўную праблему.

Пікеты праходзяць па ўсёй рэспубліцы. Акцыя завершыцца 17 лютага.

Фота: Аляксей ПЛАТКО.

Галерея изображений

Просмотреть встроенную фотогалерею в Интернете по адресу:
https://www.mgazeta.by/molodezhnaya-politika/item/2202-piket-moladz-vyrashae-u-maladzechne-pravjo-brsm.html#sigProIde0b8c1c671
Прочитано 3953 раз Последнее изменение 23.01.2018 11:12
Алег Бяганскі

Этот адрес электронной почты защищён от спам-ботов. У вас должен быть включен JavaScript для просмотра.