04.11.2022 11:56

На палітры фарбаў і пачуццяў

Цэнтральная раённая бібліятэка імя Максіма Багдановіча прыцягвае да сябе прыхільнікаў выяўленчага мастацтва. Тут ладзяцца выставы мастакоў, жыццё і творчасць якіх звязаны з Маладзечнам. У фае бібліятэкі да 15 лістапада будзе працаваць экспазіцыя работ нашага земляка Леаніда Станкевіча.

Экспазіцыя выклікала цікавасць у моладзі. Экспазіцыя выклікала цікавасць у моладзі.

Нямала шчырых слоў было сказана на адкрыцці экспазіцыі ў адрас віноўніка ўрачыстасці, чалавека натхнёнага, адоранага талентам заўважаць прыгажосць вакол сябе і дзяліцца ёю з іншымі.

— Літаратура, мастацтва, культура, творчасць — вечныя каштоўнасці. І калі мы дакранаемся да іх, то далучаемся да вечнасці, — адзначыў у час адкрыцця выставы пісьменнік і краязнавец Міхась Казлоўскі.

Слова на ўрачыстасці ўзялі мастак Рыгор Мяжуеў, фотааматар Аляксандр Салагуб, выстава якога нядаўна была прадстаўлена ў бібліятэцы.
Сваімі разважаннямі аб мастацтве падзяліўся Леанід Станкевіч.

Леанід Іванавіч — удзельнік шматлікіх рэспубліканскіх і міжнародных выстаў і праектаў. Работы аўтара захоўваюцца ў прыватных калекцыях у Беларусі, а таксама за мяжой. Мастаку блізкая тэма духоўнасці, якая напаўняе яго работы святлом дабрыні.

Тэкст і фота: Людміла ЦАР.

Прочитано 434 раз
Людміла Цар

Этот адрес электронной почты защищён от спам-ботов. У вас должен быть включен JavaScript для просмотра.