Молодечненская газета - На Старым Месце гандлю не будзе. Кірмашы застануцца

27.09.2018 11:57

На Старым Месце гандлю не будзе. Кірмашы застануцца

Жыхарка вуліцы Ціхай Лідзія Гулевіч прапанавала аднавіць гандаль на Старым Месце. У сваім лісце жанчына паведамляе, што ёй і суседзям было зручна купляць на Старым Месце садавіну і агародніну. Да таго ж у гэтым раёне жыве шмат пенсіянераў і адзінокіх людзей. Гандляры дастаўлялі ім тавар прама ў дом або кватэру. Цяпер гандаль на пляцоўцы прыпынены. Было б нядрэнна яго аднавіць.

В качестве иллюстрации. "Маладзечанская газета"

Як паведамілі ў райвыканкаме, плошча Старое Места не прызначана для гандлю. Там размешчана аўтапаркоўка. Садавіну і агародніну мясцовыя жыхары штодня могуць купіць у гандлёвых кіёсках і магазінах, размешчаных па перыметры той жа плошчы.

Акрамя таго, па 3 лістапада штотыднёва па выхадных днях на Старым Месце будуць праводзіцца асеннія кірмашы па продажы сельскагаспадарчай прадукцыі, сродкаў аховы раслін, угнаенняў, насення і пасадачнага матэрыялу, сельскагаспадарчага інвентару, харчовых тавараў.

Прочитано 2117 раз Последнее изменение 27.09.2018 11:57

Опубликовано в Главная новость