11.04.2017 10:59

Субботник в Молодечненском районе. Порядок -- дело каждого

У мінулую суботу ў нашым горадзе работнікі розных прадпрыемстваў, арганізацый і ўстаноў наводзілі парадак на замацаваных тэрыторыях, бялілі і саджалі дрэвы, прыбіралі і вывозілі смецце. Удзельнічалі ў суботніку і жыхары сельскай мясцовасці.

Субботник в Молодечненском районе. Порядок -- дело каждого "Маладзечанская газета"


Кіпела работа на вуліцы Снежнай. Тут, у раёне новабудоўляў, прадстаўнікі райвыканкама, камунальнікі, работнікі іншых арганізацый закладвалі ліпавую алею. Усяго было пасаджана больш за 80 дрэўцаў.

— Сёння ў суботніку ўдзельнічаюць звыш тысячы жыхароў горада і раёна, усе суб’екты гаспадарання, — адзначыў намеснік старшыні райвыканкама Алег Хлебавец. – Наш горад лічыцца адным з найбольш чыстых і добраўпарадкаваных у Беларусі. Парадак і ўтульнасць у населеных пунктах трэба падтрымліваць.

У суботніку сапраўды ўдзельнічаў увесь раён. У гэтым мы пераканаліся ў час камандзіроўкі ў вёску Гарадок. Праязджаем Мыслевічы, Мойсічы, Хажова. У населеных пунктах чысціня і парадак. Гаспадары многіх падворкаў фарбавалі і рамантавалі агароджы, прыбіралі смецце, даглядалі садовыя дрэвы. На палях абапал дарогі вяскоўцы і іх шэфы з горада збіралі камяні. Лес уздоўж трасы таксама дагледжаны.

На ўчастку дарогі Гарадок — Шалыгі работнікі КУП «Маладзечнаводаканал» прыбіралі прыдарожную паласу. Ім дапамагаў старшыня раённага Савета дэпутатаў Віктар Невяровіч.
— Добраўпарадкаванне тэрыторый з’яўляецца адной з асноўных нашых задач, — падкрэсліў Віктар Баляслававіч. – Вось чаму ў суботніку актыўна ўдзельнічаюць дэпутаты. Народныя выбраннікі паказваюць прыклад у рабоце. Яны робяць усё, каб Маладзечаншчына заставалася гасціннай і камфортнай для пражывання.

Старшыня райсавета падзякаваў шэфскім арганізацыям за дапамогу ў правядзенні суботніка, а таксама заклікаў усіх неабыякавых людзей прыняць удзел у наступных акцыях па навядзенні парадку на зямлі.

Фота: Аляксей ПЛАТКО.

Галерея изображений

Просмотреть встроенную фотогалерею в Интернете по адресу:
https://www.mgazeta.by/glavnaya-novost/item/1148-subbotnik-v-molodechnenskom-rajone-poryadok-delo-kazhdogo.html#sigProId0455696aa7
Прочитано 2086 раз Последнее изменение 11.04.2017 10:59
Алег Бяганскі

Этот адрес электронной почты защищён от спам-ботов. У вас должен быть включен JavaScript для просмотра.