×

Внимание

There was a problem rendering your image gallery. Please make sure that the folder you are using in the Simple Image Gallery Pro plugin tags exists and contains valid image files. The plugin could not locate the folder: media/k2/galleries/1629

15.09.2017 14:46

С днем работников леса!

Сваё прафесійнае свята работнікі лясной галіны адзначаюць у трэцюю нядзелю верасня, калі нашы лясы апранаюцца ў яркае, прыгожае ўбранне, шчодра адорваюць людзей ягадамі ды грыбамі. Словам, у пару залатой восені.

У першым радзе--  галоўны ляснічы Андрэй Шыбека, эканаміст Вольга Шыбека, дырэктар лясгаса Анатолій Ермаловіч; (у другім радзе) намеснік дырэктара па ідэалагічнай рабоце Віталій Дземеш, ляснічы Гарадоцкага лясніцтва Аляксандр Пішчака, вадзіцель Леанід Карэнда, лесавод Гарадоцкага лясніцтва Аркадзій Лобач, начальнік участка «Краснае» Віталій Южык. У першым радзе-- галоўны ляснічы Андрэй Шыбека, эканаміст Вольга Шыбека, дырэктар лясгаса Анатолій Ермаловіч; (у другім радзе) намеснік дырэктара па ідэалагічнай рабоце Віталій Дземеш, ляснічы Гарадоцкага лясніцтва Аляксандр Пішчака, вадзіцель Леанід Карэнда, лесавод Гарадоцкага лясніцтва Аркадзій Лобач, начальнік участка «Краснае» Віталій Южык. "Маладзечанская газета"



Праўда, самі людзі, занятыя ў арганізацыях і на прадпрыемствах галіны, лірычнаму настрою аддаюцца рэдка. Для іх лес – гэта месца працы, выканання няхай і пачэснага, але нялёгкага абавязку. Апошнія гады, можа быць, як ніколі раней пацвярджаюць гэту асаблівасць.

– Нашы людзі разам з калегамі з іншых раёнаў вобласці летась і сёлета ліквідавалі наступствы небывалага раней урагану, які ў ліпені 2016 года катком прайшоўся па Чэрвеньскім і Смалявіцкім раёнах, – прыгадвае дырэктар Маладзечанскага лясгаса Анатолій Ермаловіч. – На распрацоўку ветравальна-бураломных участкаў выязджалі цэлыя брыгады з тэхнікай. Іншым разам да ста чалавек. Нам было даведзена наступнае заданне: расчысціць лес ад завалаў на плошчы 208 гектараў, нарыхтаваць 70000 кубаметраў драўніны, а затым высадзіць маладыя насаджэнні на плошчы 163 гектары. Участкі былі складаныя, месцамі забалочаныя. Давялося праяўляць і прафесійныя навыкі, і кемлівасць. Не паверыце, але дзе-нідзе драўніну выносілі нават на руках. Працавалі вахтавым метадам, самааддана – ад кіраўнікоў і спецыялістаў да радавых работнікаў.

Анатолій Аляксеевіч агульныя развагі дапаўняе канкрэтнымі прозвішчамі. Гэта трактарыст на падрыхтоўцы лесасек Мікалай Усціновіч, машыніст тралёвачнай машыны Аляксандр Аноп, аператар харвестара – шматаперацыйнай лесасечнай машыны Анатолій Крывалапаў, вадзіцель Іван Сакалоўскі, трактарыст Іван Івашанка, майстар лесу Аляксандр Мурашка, начальнік участка «Краснае» Віталій Южык. Апошні, да слова, хоць і не выязджаў у камандзіроўкі – хапала клопатаў па перапрацоўцы драўніны на пілараме, але, як адзначана ў загадзе міністра лясной гаспадаркі Беларусі да прафесійнага свята, узнагароджаны Ганаровай граматай Мінлясгаса і грашовай прэміяй «за добрасумленную плённую працу ў лясной гаспадарцы, вялікі асабісты ўклад у выкананне прагнозных паказчыкаў сацыяльна-эканамічнага развіцця галіны» летась і ў першым паўгоддзі сёлета. Хаця, прызнаецца дырэктар лясгаса, старанных работнікаў у калектыве абсалютная большасць, і кожны заслугоўвае добрага слова. Іх час яшчэ наперадзе.

Сённяшнія набыткі калектыву, перакананы субяседнік, грунтуюцца на дасягненнях папярэднікаў, цяпер ужо ветэранаў працы лясной гаспадаркі. Іх засталося каля шасцідзесяці чалавек, і ніводзін не забыты: напярэдадні прафесійнага свята ўсім аказана грашовая дапамога. Можа быць, не столькі падарунак дарагі, колькі ўвага з боку тых, хто цяпер працягвае іх справу.

Не паспелі работнікі лясгаса, як кажуць, выцерці пот, перадыхнуць, а тут новае заданне: праводзіць суцэльныя санітарныя высечкі ўчасткаў сасновага лесу, пашкоджанага вяршынным жуком-караедам. Зноў камандзіроўкі – на гэты раз у Любанскі і Старадарожскі раёны.

– Вось ужо трэці месяц прадстаўнікі ўсіх нашых пяці лясніцтваў і лесапункта змагаюцца з чарговай напасцю, – працягвае А. Ермаловіч. – Ваша газета пісала пра гэтага мікраскапічнага, але вельмі небяспечнага шкодніка. Найбольш эфектыўным метадам спынення экспансіі з’яўляецца высечка пашкоджаных соснаў і спальванне раслінных рэшткаў. За гэты перыяд высеклі хворыя дрэвы на 63 гектарах, нарыхтавалі 14000 кубічных метраў драўніны. Работы працягваюцца і цяпер. Шкодніка трэба перамагчы, інакш урон беларускім лясам, эканоміцы, прыродзе ў цэлым будзе нанесены непапраўны.

Камандзіроўкі камандзіроўкамі, але ніхто не вызваляў калектыў ад штодзённых работ у маладзечанскіх лясах, асабліва ад правядзення высечак, догляду, абароны насаджэнняў ад пажараў і хцівых людзей. Ніхто не паслабляў патрабаванні і да эканомікі. І калі ў самым пачатку года паказчыкі гаспадарчай дзейнасці выклікалі заклапочанасць у кіраўніцтва лясгаса (у аснове спаду ляжалі аб’ектыўныя прычыны), то цяпер адставанне пераадолена, і калектыў працуе ўпэўнена, рэнтабельна. Як і заўсёды.

Таму і не хавалі радаснай усмешкі прадстаўнікі маладзечанскай дэлегацыі, калі ў мінулую сераду накіроўваліся ў Мінск на ўрачысты сход абласнога лесагаспадарчага аб’яднання, прымеркаваны да прафесійнага свята. Ехалі па заслужаныя ўзнагароды і добрыя словы ў свой адрас. Яны іх сапраўды заслужылі.

Дзень работнікаў лесу – інтэрнацыянальнае прафесійнае свята, якое адзначаецца ў трэцюю нядзелю верасня ў Беларусі, Расіі, Украіне, Кіргізіі. У лясным комплексе нашай краіны працуе каля 100 тысяч чалавек, з іх непасрэдна ў структуры Міністэрства лясной гаспадаркі – больш за 36 тысяч.

Лясы Беларусі – уласнасць дзяржавы. Лясны фонд краіны складае каля 9,5 мільёна гектараў, лясістасць – 38,5 працэнта. Па большасці паказчыкаў, якія характарызуюць лесасыравінныя рэсурсы, Беларусь уваходзіць у дзясятку вядучых лясных дзяржаў Еўропы.



Фота: АЎТАР.

Галерея изображений

{gallery}1629{/gallery}
Прочитано 1688 раз
Аляксандр Лазоўскі

Этот адрес электронной почты защищён от спам-ботов. У вас должен быть включен JavaScript для просмотра.