01.09.2017 15:49

Сярожкі і Наташкі, цяпер мы першаклашкі!..

1 верасня для тысяч беларускіх школьнікаў, навучэнцаў і студэнтаў прагучаў першы вераснёўскі званок.

Першавераснёўскі званок  ад Марыі Рошчынай і Мікіты Аксённіка.  Першавераснёўскі званок ад Марыі Рошчынай і Мікіты Аксённіка. Маладзечанская газета

Карэспандэнты «МГ» пабывалі ў гімназіі №6, дзе сёлета за парты селі больш за 100 першакласнікаў. А для паўсотні юнакоў і дзяўчат гэты навучальны год у гімназіі апошні. Наогул, ва ўстанове амаль 770 навучэнцаў.

— Практыкуецца ў нас і інтэграванае навучанне. Ёсць тры адпаведныя пачатковыя класы, у якіх займаецца па адным вучню з асаблівасцямі развіцця. І яшчэ адзін дзевяцікласнік навучаецца дома, — расказвае намеснік дырэктара па вучэбнай рабоце Вікторыя Шпетная. — Як вядома, сёлета абноўлены і вучэбныя планы. Большасць новых падручнікаў ужо атрымана. Заняткі для першай змены будуць пачынацца ў 9.00, для другой – у 13.50.

Сімвалічны вераснёўскі званок далі першакласніца Марыя Рошчына і адзінаццацікласнік Мікіта Аксённік, стыпендыят Спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў, таленавітай моладзі. Усе вучні першых класаў атрымалі сімвалічныя сувеніры і падарунак ад кіраўніка краіны – кнігу «Беларусь — наша Радзіма».

Фота: Аляксей ПЛАТКО.

Галерея изображений

Просмотреть встроенную фотогалерею в Интернете по адресу:
https://www.mgazeta.by/fotofakt/item/1574-syarozhki-i-natashki-tsyaper-my-pershaklashki.html#sigProId6053b13316
Прочитано 1884 раз
Ірына Рабушка

Этот адрес электронной почты защищён от спам-ботов. У вас должен быть включен JavaScript для просмотра.