-- Заяўкі прагаласаваць на даму паступалі загадзя, -- гаворыць старшыня ўчастковай выбарчай камісіі Школьнага выбарчага ўчастка №22 у Маладзечне Ірына Салагуб. -- Прымаюцца такія запрашэнні і сёння. Для арганізацыі галасавання па месцы жыхарства выбаршчыкаў створаны дзве брыгады. Яны з перасоўнымі урнамі ездзяць па адрасах.

Разам з брыгадай у складзе Ірыны Мароз і Сяргея Чыжыка мы наведалі 80-гадовую Ганну Скабейку, якая жыве па вуліцы Францішка Скарыны.

– Сёння раніцай дзеці вазілі мяне на службу ў храм. Хвалявалася, што члены камісіі прыедуць і не застануць мяне дома... Бачыце, так не здарылася. Добра, што ў людзей з праблемамі са здароўем ёсць магчымасць выканаць свой грамадзянскі абавязак, -- гаворыць Ганна Скабейка.

Да выбаршчыкаў Грамадоўскага ўчастка №5, якія будуць галасаваць на даму, адправіліся Вольга Пальчэўская, Мікалай Шчыгельскі, Віталій Шэлехаў і Аляксандра Ліпская.

Фота: Аляксей ПЛАТКО.