З Ігарам Ігнацьевічам мы сустрэліся ў час датэрміновага галасавання на яго выбарчым участку. Былы афганец быў адным з першых, хто ў той дзень аддаў свой голас за кандыдата ў дэпутаты Палаты прадстаўнікоў Нацыянальнага сходу Рэспублікі Беларусь.

-- Галасую датэрмінова, бо гэта зручна і не парушае маіх правоў як выбаршчыка, -- гаворыць Ігар Арабей. – Выбары для мяне заўсёды свята. Чакаю ад іх далейшага павышэння аўтарытэту заканадаўчай галіны ўлады. Лічу, што ў парламенце павінны спалучацца новыя ідэі і напрацаваны вопыт. Тады Беларусь будзе развівацца стабільна, у правільным кірунку, без сацыяльных узрушэнняў. Важна, каб людзі жылі ў мірнай краіне, упэўнена глядзелі ў будучыню, мелі дастойны ўзровень жыцця.
Ігар Ігнацьевіч заклікаў моладзь прыняць актыўны ўдзел у галасаванні. Маладыя людзі павінны браць адказнасць за лёс дзяржавы і вызначаць вектар яе развіцця.

Тэкст і фота: Алег БЯГАНСКІ.