17.01.2020 12:29

У Маладзечанскім інтэрнаце стварылі безбар'ернае асяроддзе

Пытанне вырашылася пасля звароту да старшыні райвыканкама.

Мікалай Мароз. Мікалай Мароз. "Маладзечанская газета".

Мікалай Мароз атрымаў траўму ў час работы за мяжой. Пасля звароту да старшыні райвыканкама яму выдзелілі пакой у інтэрнаце і стварылі спрыяльныя бытавыя ўмовы.

— Да таго як атрымаў пакой, жыў у доме барачнага тыпу ў Залінейным раёне, — гаворыць Мікалай Вячаслававіч. – Жыллё не было прыстасавана для чалавека з абмежаванымі магчымасцямі. Санітарныя ўмовы не адпавядалі ўстаноўленым нормам. З гэтай праблемай звярнуўся да старшыні райвыканкама. Юрый Горлаў распарадзіўся вырашыць пытанне.

У выніку Мікалаю выдзелілі пакой на першым паверсе інтэрната па вуліцы Будаўнікоў. Папярэдне быў праведзены рамонт — на ўваходзе ў будынак зрабілі пандус з парэнчамі, у блоку ўстанавілі кран для мыцця посуду, зрабілі больш зручным санвузел. На новае месца жыхарства наш зямляк пераехаў летам мінулага года.

— Цяпер жыву ў камфортных умовах, — адзначыў Мікалай Мароз. – Побач з інтэрнатам размешчаны буйныя магазіны, у якіх створана безбар’ернае асяроддзе. Я магу самастойна рабіць пакупкі. За дапамогу і чуласць дзякую Юрыю Горлаву і дырэктару УП «Камунальнік» Мікалаю Наздрыну-Платніцкаму. Даглядае мяне брат. Гэту работу яму аплачвае дзяржава.

Субяседнік расказаў, што любіць бываць у цэнтральным гарадскім парку. А яшчэ ён наведвае розныя сацыяльныя ўстановы. І тут без перавозчыка не абысціся.

— Раней не ўсе таксісты згаджаліся пад’язджаць непасрэдна да пад’езда інтэрната. Некаторыя чакалі на аўтобусным прыпынку. Гэта для мяне было нязручна. Пасля звароту ў райвыканкам сітуацыя вырашылася. Усім службам таксі далі ўстаноўку чакаць людзей з інваліднасцю, якія перамяшчаюцца на калясцы, менавіта ля пад’ездаў дамоў, у якіх яны жывуць. І гэта выконваецца, — зазначыў маладзечанец.

Мікалай Мароз упэўнены: стварэнне безбар’ернага асяроддзя карыснае не толькі для людзей з праблемамі апорна-рухальнага апарату. Тымі ж пандусамі актыўна карыстаюцца бацькі з каляскамі, састарэлыя. Таму работу ў гэтым кірунку ў раёне трэба працягваць.

— На некаторых вуліцах усё яшчэ перашкаджаюць свабоднаму перамяшчэнню высокія тратуарныя бардзюры. Не ўсімі пандусамі зручна карыстацца. Аднак калі ёсць жаданне і зацікаўленасць, пытанні абавязкова вырашаюцца, – падкрэсліў Мікалай Вячаслававіч.

Алег БЯГАНСКІ.

Фота: Аляксей ПЛАТКО.

 

Галерея изображений

Просмотреть встроенную фотогалерею в Интернете по адресу:
http://www.mgazeta.by/sotsium/item/6082-u-maladzechanskim-internatse-stvaryli-bezbar-ernae-asyaroddze.html#sigProIde7913c976f
Прочитано 380 раз Последнее изменение 17.01.2020 12:29
Алег Бяганскі

Этот адрес электронной почты защищён от спам-ботов. У вас должен быть включен JavaScript для просмотра.

Добавить комментарий


Защитный код
Обновить